Umeninasa

Wendo kipenda roho,kakweli umeniweza

Raha ya wangu moyo,kwako nimeipata

Mahaba ni mtiririko,nashindwa kueleza

Hayuni umeninasa,siwezi hata kubwata

Mwali kiuoni ni feni,Fundi yuapepeta

Yale ya unyagoni,kiukweli aliyashika

Siishiwi hamu hani,mtima umenishika

Hayuni umeninasa,siwezi hata kubwata

Akili hazipo hayawani,mi kwako taabaani

Umeniweza yamkini,naugua huba wodini

Nimempata waubani,kwengine nitakeni

Hayuni umeninasa,siwezi hata kubwata

Huyu si kungunguru, kuruka majalalani

Wala sitakufuru,amenibariki manani

Hana mbio za faru,mwendo wake ni tausi

Hayuni umeninasa,siwezi hata kubwata