Upendo ni ubeti sijui kautunga nani

Hivi alieutunga,hakujua kuna uchungu?

Ama Adam na hawa,walichafua ulimwengu?

Kama kunae anadawa,nipeni basi mwenzenu

Upendo ni ubeti, sijui kautunga nani 

Kuna mda nikikaa,najihisi wajana mfu

Ama sina hulka yakuvutia,nawaza sipati jibu

Ama nyota imefifia,mawazo yananisurubu 

Upendo ni ubeti ,sijui kautunga nani

Likianza hunoga,asli tende kwa zamu

Vidole nang'a nang'a,utahadhisia utamu

Mgongo kusuguana,kudekezana mahabubu

Upendo ni ubeti ,sijui kautunga nani

Usiku kwa mchana,utapewa dhahabu 

Utapewa vya kunona,halua na zabibu

Utasahau kutendwa,uturi huishiwi hamu

Upendo ni ubeti, sijui kautunga  nani