Wakenya fungueni macho

Imefika alfajiri,hakika kunapambazuka

Namsikia mwadhini, akiiadhini adhana

Jua linaangaza usoni,nyoyo zina furaha

Kenya liogopeni giza,likirudi tena ni sumu

Siku inanukia udi,sio uvundo wenye kunuka

Kumekucha kila sayari, na ardhi inachibuka

Kumekucha tunatanabahi,giza limetimuka

Kenya liogopeni giza ,likirudi tena ni sumu

Ukumbuke mti uliozaa,ukombozi sikutoa damu

Usianze kubwagaza,nakuukabili ni kazi ngumu

Tusirudi kujilaza,na tukaupoteza ufahamu

Kenya liogopeni giza,likirudi tena ni sumu

Wakenya kumekucha,kukumbuka ni muhimu

Ndege wanatutumbuiza ,siku mpya kuisalimu

lisijekupumbaza,jua akatumia muaji sumu

Kenya liogopeni giza,likirudi tena ni sumu