Yuwapi kidege

Nitakwenda hadi diani, kwale visiwani 

Au nitapanda basi, liendalo ukambani

Nikamsake hayuni,kwa uvumba na ubani

Yuwapi kidege, moyoni mwangu atue

Vipi aisha na halima,wenyeji wa visiwani

Au wataniumiza tena,moyo kuurusha hewani

Au mwendee agineta, vidosho wa ukambani

Yuwapi kidege, moyoni mwangu atue

Kidege rangiye tausi, na sauti ni kasuku

Awe nakimo wastani, mwenye rangi ya buku

Kabila sibagui, mbajuni hata mubukusu

Yuwapi kidege, moyoni mwangu atue

Kidege njoo niponye, maradhi nipone

Huruma unionee, upweke ukome

Palipochanwa ushone, nikome vidonge 

Yuwapi kidege, moyoni mwangu atue

Kidege tena niambile,nini unachotaka

Kama wimbo nikuimbie, mzuri wa mahaba

Ilimradi uniridhie, moyo upate tuama

Yuwapi kidege, moyoni mwangu atue

Ama nirudi kwetu, wadigo na waduruma

Moyo usiende peku,nikigomba watanielewa

Niitunze mila yetu,harusi ngoma na kayamba

Yuwapi kidege,moyo wangu atue